Nega odatiy usul ishlamaydi
Ingliz tilini o'rganuvchi inson vaqtining 90%ini yangi so'zlarni yodlashga sarflaydi. Statistikaga ko'ra, til o'rganuvchi yiliga o'rtacha 1200-1500 ta so'z yodlaydi — bu degani, 5000-6000 ta so'z (Advanced daraja) uchun 3-4 yil kerak bo'ladi.
Ushbu ilova yordamida siz atigi 1 oy ichida 5000 ta so'zni yodlab olish imkoniyatiga egasiz — chunki biz mnemonika texnikasidan foydalanamiz.
So'z boyligi darajalari
📌 150 ta so'z — Beginner, oddiy suhbatlar uchun yetarli
📌 800 ta so'z — Elementary, chet elda sayohat qilish uchun yetarli
📌 2000-3000 ta so'z — Intermediate, bemalol gaplashish, yozish, kitob o'qish darajasi (IELTS 5,5-6, CEFR B2)
📌 5000-6000 ta so'z — Advanced, o'qituvchi darajasi (IELTS 7,5-8, CEFR C1)
📌 10 000 ta so'z — Proficiency, professor darajasi (IELTS 9, CEFR C2)
Miyangizning yashirin kuchi
Miyamiz ikki qismdan iborat. Chap yarim shar — mantiq, raqam, matn, faktlarga javobgar, atigi 10% xotira salohiyatiga ega. O'ng yarim shar — his-tuyg'u va tasavvurga javobgar, 90% xotira salohiyatiga ega, shundan 80%i aynan tasavvurga tegishli.
Bog'cha yoshidagi bolalarning xotirasi kuchli bo'lishining sababi ham shu — ular hali matnli (chap tomon) xotiraga o'tishmagan, hamma narsani tasavvur orqali qabul qilishadi. Standart yodlash uslubi faqat chap tomonni ishlatadi — biz esa o'ng tomonni ham ishga soladigan mnemonika texnikasidan foydalanamiz.
Meta-ta'lim haqida
Meta-ta'lim — ta'lim jarayonini sezilarli tezlashtiradigan zamonaviy yondashuv. Uning tarkibiy qismlaridan biri — mnemonika (superxotira) sirlari. Maxsus texnika va algoritmlar yordamida, an'anaviy usulga nisbatan bir necha barobar tezroq va samaraliroq natijaga erishish mumkin.
Aktiv va passiv lug'at
So'zni ilk bor ko'rganingizda, bilim darajangiz eng pastki nuqtada bo'ladi: 1) ko'rganman → 2) tushunaman, lekin tarjima qilolmayman → 3) bilaman → 4) tarjima qila olaman → 5) ishlata olaman.
Faqat oxirgi bosqich — aktiv lug'at hisoblanadi. Qolgan to'rttasi passiv — o'qiysiz, tarjima qilasiz, lekin nutqda ishlata olmaysiz. Bizning maqsadimiz — barcha so'zlarni aktiv lug'atga aylantirish.
Lug'at yodlash jarayoni — 3 bosqich
1. So'zlarni tanlab olish — biz siz uchun eng muhim 5000 ta so'zni allaqachon tayyorlab qo'yganmiz, o'zingiz qidirishingiz shart emas.
2. Eslab qolish — mnemonika texnikasi orqali, quyida tushuntirilgan.
3. Mustahkamlash — bu eng muhim bosqich, aynan shu yerda so'z "aktiv" bo'ladi. Ilovadagi 3·7·14 kunlik takrorlash tizimi aynan shu vazifani bajaradi.
So'z yodlash texnikasi — 6 qadam
1) O'xshatish — chet tilidagi so'zni o'zbekcha tanish so'zga ovoz jihatidan o'xshatib olasiz (masalan Cat — "ket" — "kit"ga o'xshaydi). Miyamiz yangi ma'lumotni eski, tanish ma'lumot bilan bog'lagandagina uni yaxshi eslab qoladi.
2) Tarjima bilan birlashtirish — topilgan o'xshatishni so'zning tarjimasi bilan bitta kulgili, g'alati obrazga aylantirasiz (kartochkadagi mnemonika aynan shunday tuzilgan).
3) 3 marta qaytarish — assotsiatsiya tayyor bo'lgach, inglizchadan o'zbekchaga va aksincha, bir necha marta tez qaytarib chiqasiz.
4) 5 tadan ortiq olmaslik — miyamiz bir vaqtning o'zida 5 tadan ortiq yangi ma'lumotni ushlab turolmaydi. Shu sabab ilovada har bir kun kichik porsiyalarga bo'lingan.
5) 96 soat qoidasi — yangi o'rganilgan so'zni 4 kun ichida albatta bir marta qaytarish kerak, aks holda miya uni chetga chiqarib yuboradi. Aynan shu ilmiy qoida asosida ilovaning 3·7·14 kunlik takrorlash tizimi qurilgan.
6) Shahar metodi — yasagan assotsiatsiyalaringizni tasavvuringizda yaxshi bilgan joylarga (masalan, o'z uyingizga) "joylashtirib chiqish" ularni yanada mustahkam va aniq qiladi.
Samaradorlikni oshirish
Miya har 30 daqiqada charchay boshlaydi va ma'lumotni yaxshi qabul qilmay qo'yadi. Shuning uchun har yarim soatlik mashg'ulotdan keyin 5 daqiqa tanaffus qiling. Tanaffus vaqtida qo'l yoki ko'z gimnastikasi (barmoqlarni ishqalash, qorachiqni yon-yon harakatlantirish) qon aylanishini yaxshilab, miyani dam oldiradi va keyingi mashg'ulot samaradorligini oshiradi.